اناس كيف الحال عساكم طيبين..

قافلة معاك وماعندك موضوع والهم مطلع عينك والقلق سيد الموقف

وحاسى بفراغ كبير برقم انك مافاضى كمساحة زمنية .. يعنى اليوم

بدل يكون 24 انت شايفو 10 ساعات .. وكمان فى راوية اخرى شايفو 37 ساعة

حسب نوع الفراغ البتعانى منو ؟؟

طيب سالنا روحنا لى بتقفل معانا ومابكون عندنا موضوع ؟؟؟(زى كدا اسى )..

ما اظن يعنى برنامج اليوم باليوم والروتين القاتل اكثر اسباب الزهج طيب لى ؟؟؟

ماعارف لكن ياشباب هو الموضوع معاااااااط وزعاط بس شنو ؟؟

تعالوا كلنا مع بعض نشوف المشكلة شنو ووبتتعالج كيف؟؟ ولا ما عندها علاج؟؟؟

يعنى الموضوع دا يكون عبارة عن تراكمات خبرات من الزهجانين والقافلة معاهم...

بس اشد حاجة الهكر اخر ناس مايكون عندهم علاج ؟؟ والا مايكون هكارى ..

او يكون اربعة زي كدا وماناقش ابو النوم ...

يعنى فى كل الحالات الموضوع بهبشك بهبشك ماف كلام...

انا بحاول اقول واحدة من الاسباب ..

واى زول يقول ليه سبب ...

طيب واحد من الاسباب دى عدم الانسجام الطبيعى ووضع الاشياء فى مكانها الصحيح..

كيف الكلام دا؟؟

طيب لو اسى انا بلبس بنطلون مقاس 40 ظابط وجيت طالع مشوار لقيت لى بنطلون مقاس 38

البنطلون دا بلبسنى لكن المشكلة انى نفسيا كدا مابكون مرتاح يعنى فى حاجة بتكون

واقفة ليك فى العزيزة ومكنتكة معاك ..البحصل شنو ؟؟؟

انت طوالى بتتحول تلقائيا كدا لوضع الانتظار ..... وبكون جاااااااااااااارى التحميل...

اتخيل انت عندك برنامج مهم بالنسبة ليك لمن غلط وفى نفس الوقت البرنامج مساحتو

5 قيقا ومالقيتو الا تورنت وشغال بام دى اس ال سودانى القديم مالجديد..

يعنى انت شايف البير peer ما لايقلوا عن 40 والسيدseed مالايقلو عن 30 ..

لكن المشكلة وين انو سرعة تحميلك 30 مرات 40 دا بعد ماتعمل لى النت والتورنت

البصيرة ام حمد وماتخلى بورت ماتفتحو وبرنامج ماتنزلو ...

- يبقى الانتظار فى ذاته مشكلة ..

وعدم التوافق (بنطلون اصغر منك) مشكلة تانية ..

يعنى الخلاصة شنو من الزعط الكتير دا ؟؟

انو فى حاجة بتكون ماموزونة عندك فى لخبطة فى البرنامج ماوازن الشغلانة كويس..

بكل تاكيد عدم الوزنة هنا بكون فى بعدنا عن دينا ؟؟ دا الوزان الوحيد البجيب الوزنة فى

محلها ..

بس شنو الجديد هنا ماكلنا عارفين الحاجة دى بس الطريق كييييييييييييف للدين؟؟

السؤال دا ممكن انت تشوفوا ساهل بس صعب شديد..؟؟

يعنى فى اسئلة كتيرة بتطرح نفسها للاجابة على السؤال دا لكن

فى الاول نشوف ..

اسباب الزهج عند العقد الفريد..وعلاجه كيف؟؟؟

وباقى المشاركة بنحاول نتم ..

فى انتظار ارائكم

والله انتا دخلتا في البنطلون والتورنت والما عارف شنو.........لخبطنا زاااتو

لكن اسباب الزهج دي.........:-
1-كثرة النووم :-ودي كتيير حاصلة يعني الزول النافخ المخدة دا ما حايطلع من الزهج
2-القعدة الطويييلة في النت: يعني زول بقعد بتصفح ولا يدردش لمن ضهرو اتفكا زاتو

3-اهم نقطة :-عدم قراءة القران.


وبس