علسك بغير
عليك بغير من النسيم لامن يغازلك يا ملاك
لامن يداعب وجنتيك بى جرأة يتلمس شفاك
عليك بغير انا من رموشك لما تتشـــــــابك شراك
ترمى الوقار فى حبها وتفنيه بى نظرة هلاك
عليك بغير من الشوارع الديمة عابراها بخطاك
ومن عيون زولا بعرفو وعارفو اصلا ما نساك
عليك بغير يا زهرة حتى من الفراش الفيك راك
ومن الاصيص النابتة فوقو عارفولاصوت لا حراك
عليك بغير من شنطتك الديمة بس جنبك حداك
ومن عبايتك لما تمشى تغيظــــــنى تتشايح وراك
عليك بغير من الشعر الناظمو فى تعذيب هواك
ومن كل الكلام القلتو ليكى ونال رضاك
عليك بغير انا من عيونك وقت فى المرايا تشوف حلاك
ومن عيونى الراجية لحظة غفوة شان فى النوم تراك
عليك بغير انا من ابوك العارفو رباك ورعاك
ومن حنان الوالدة امك الحاضنك الدايما معاك
عليك بغير يا شوق شديد وثانية ما بحمل جفاك
وما بجامل فيك ابدا لو تروح الروح فداك

مشاركة متواضعة من اشعارى الخاصة

المارد الحنين