بعد ما ختيت املي فيها

تاريخ التسجيل : 12/12/2009

قصة بعنوان (بعد ما ختيت املي فيها ) بقلمي المتواضع

بسم الله نبدأ ...

قالوا موج الحب عميق ولهفة شوق الحب تغطس الشاربه وسفينة حبي مليانة حزن وذيف وخيال ذي سفينة تايتنك علي غدر خداع الحب ما يمد مديت وعلي قدر الكلام الغزل المزيف غنيت وكان سايقني الحنين المرهف أقول دوبيت بس للأسف ما عرفت الكان راجيني من موج وجراح الحب اتسقيت وكنت مخدوع بي بريق عينيك والهوي إلي كان بيني وبينك وبقي ماليهو قيمة وبقا منتصر بالهزيمة ولما أقعد براي واتذكر اللحظات الاليمة وافكر ارجع لي حبيبتي القديمة بغشاني طيف الحنين لعيونا وببدأ أنزف كل مرة ويا حليل ايام عيونك وحلاوة البسمة الفي وجونك واصلي عارفك من زمان قلبك نساني وما بتفكري لو حتي لحظة في جفاي أو فراقي وبقيت مجرد صفر علي شمالك وانا كنت موهوم وفاكر نفسي حبيت حبيبة ما بتخون وما بتحب ذولا سواي بس للأسف كنت موهوم وفاكر نفسي روميو وانت لي جوليت وخدعتيني واتضح انك لي غيري برضوا حبيبة وشربتيني جرعة الغرام المزيفة وياحليل ايام زمانك يا ندي ويا حليل البراءة الفي عيونك
بس داير الومك لو تسمحي عايز اعاتبك في فنونك ياخي عليك الله كان تفهميني أني مجرد عاشق محسوب بالثواني علشان اكون عارف حيجي غيري تاني وعلي الاقل كنت اجدع في تماثيل الخيانة مرة ومرة اكتب ليك قصة الامس ومرة أمثل ليك دور الزول الوفي بس تقولي إيه انا الغلطان وخدعتيني بي مظهرك اللسه حايم في خيالي بي اجمل لباس وانا عارفك لما الدنيا بتضيق بيك وتحسي بالفرقة والنواح بتحاولي ترجعي للحبيب الي فات والجواب الجاني منك كنت فاكر انو منك بس للأسف كلو عنوان لي الخداع
وياريت لو رجوعك لي من غير كذب وخداع بس للأسف عنوانك بقا في قلبي عنوان للخداع ما بحتمل نظرة منك او حتي كلمة عشان رجوع
وانا أقول ليك بأعلي صوت لا والف لا لم أعد طفلا تداوي جراحة الالعاب لم أعد أخدع بالفاظا يقدوها البريق قلبي يا ندي ما من زمان نساك وابتديت أنسا ليلة هواك والايام العدو ديلك وكل الاماسي الفيها كم قاسيتو ويلك
وأنتي وانتي لو فاكراني بحزن عشان فراقك .... يا حليلك يا حليلك

بقلمي : ملك الغرام

الموضوع الاصلي : بعد ما ختيت املي فيها المصدر : منتدي ملك الغرام السوداني الكاتب: ملك الغرام