منتديات ملك الغرام السودانيه

منتديات ملك الغرام السودانيه

أفلام | أغاني | ألعاب | برامج | دردشة | مصارعة | رياضة | أخبار |
 
الرئيسيةاليوميةس .و .جبحـثالأعضاءالدردشة الكتابيةالمجموعاتالتسجيلدخولتسجيل دخول الاعضاء
:الأســـــم
:كلمة السـر
تذكرنــي؟
المواضيع الأخيرة
goweto_bilobedالي اخوتي واحبتيالثلاثاء مايو 03, 2016 7:42 pm من طرفMosab Khalidgoweto_bilobedاستقدام العمالة المهنية والعمالية من السودان ( مجانا )الأحد يناير 03, 2016 4:17 am من طرفملك الغرامgoweto_bilobedالدعاء الشاملالأربعاء ديسمبر 02, 2015 10:15 pm من طرفملك الغرامgoweto_bilobedقصة مضحكة جداالسبت يناير 31, 2015 6:55 am من طرفمحمد نور جابرgoweto_bilobedقصة هند والخادمةالأربعاء يناير 28, 2015 6:43 pm من طرفمحمد نور جابرgoweto_bilobedسؤال وجوابالأحد يناير 25, 2015 8:41 pm من طرفمحمد نور جابرgoweto_bilobedقصة الفلاح الأحد يناير 25, 2015 8:13 pm من طرفمحمد نور جابرgoweto_bilobedموضوع هام جميلالجمعة يناير 23, 2015 9:22 am من طرفمحمد نور جابرgoweto_bilobedمعجزة هود عليه السلامالخميس يناير 22, 2015 5:50 pm من طرفمحمد نور جابر

شاطر | 
 

 قصة تموت من الضحك (( وصارت كشتي مصدر سعادتي ))

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
avatar

 
 

الهوايه :

المهنه :

عدد المساهمات : 31

نقاط : 51

العمر : 20

انثى
تاريخ التسجيل : 02/09/2010

تاريخ الميلاد : 22/12/1996


مُساهمةموضوع: قصة تموت من الضحك (( وصارت كشتي مصدر سعادتي ))    الجمعة نوفمبر 19, 2010 10:08 am

* هذي القصة رووعة ههههههههههههههه بقولوا البنت جنت بس القصة تضحك والمابيضحك بيضحك غصب عنو (قوية لا ) هههههه
(( المهم ))

وصارت كشتي مصدر سعادتي


هذي لقطة من لقطاتي البريئه ..



كنت فتاة في عمر الزهور , عصلا القوام , شينة الوجه لكن مملوحة , بيضاء البشرة


كان معكر صفو حياتي شي واحد


الي هي >> كشتي <<



ما يا برنامج في التلفزيون إلا طلعو كشتي فيه



طلعت في موسوعة غينيس للارقام القياسيه



في عيد رأس السنه ايون الفرنسيين ويستأجروني علشان يعلقون الهدايا في كشتي بدال الشجره الي يحطونهاا



حتى في برنامج اوبرا طلعت



اوبرا اول ماشافتني يا لهووووووي



وبعدها اسلمت اوبرا ونطقت الشهاااده



بعد ماشافت قدرت الله في خلقه



خذتني امي للمطوع علشان يقرأ علي عشان تهجد كشتي على بالهم الي خلاها واقفه الينون




قال المطوع ذلفي انتي وبنتج اصلن هي ينيه بنفسهااا





حاولت اقصها لكن عجزت



كل مقصات العالم تكسرت ما خليت شي إلا جربته جربت مطرقة جربت السكروب ــ> مادري شو يخصه
يابو سواطير وسيوف ومسدسات وكل انواع الاسلحه ولا شي فاد ..



<<< بوش اعلن خبر عاااجل >>>



أعلان الحرب على دولة الامارات العربية المتحدة وخصوصاً منطقة العيــن وتحديداً في حارة الصاااروي والهدف في بيتنا القابع في اخر الحاره ....



والسبب كله كشتي الكل يحااول القضاء عليها


لكن كل محاولاتهم بائت بالفشل


الطيارات الي طرشها بوش الى هذي اللحظه وهي ناشبة في كشتي



المووهيم اقوول لكن نصف الجيش الامريكي ضايع في كشتي
صرت مثل مثلث برمودا اي شي يروح له يختفي
يعني مصير الجيش مجهوول الحين


خافت امريكا ولاول مره تخاااااف في تاريح العالم تخاف امريكا


اللهم اذل الشرك والمشركين ودمر اعداء الدين



شفتوو كشتيااا كيف قدرت تتغلب عليهم



المووهم بوووش اعلن انسحاب نص جيشه البااقي



وكلهم رجعوو


عاد بوش كل تبن وسكت


/
كان حلمي حلم اي بنت


احلم بفارس احلامي


دايم اسرح وانا اقطع البصل ــــــ>> عرفت تختار المكان المناسب


اسرح بفارس اقرع الراس مافيه ولا شعره وصلعته تلمع مثل اللؤلؤ


واضحك على نفسي اقوول يابنت الحلال حلمي بشي معقوول


مب بواحد اقرع مب مستواك


اكيد باجر لو تزوجتيه راح يتكبر عليج بصلعته اللماااعه والبنات راح يخطفونه منج



قلت الظاهر ربي راح يبليني بواحد كشته شهبا مثلي



اللهم لا اعتراض


قلت بصبر واحتسب الاجر


ماقدرت الكل يضحك علي ..



يهااال الفريج إذا شافوني مريت فالشارع كلهم يشردون يخافون من كشتي



دووووم إذا ضاع شي كل الاتهامات علي انا


يقولون اكيد فكشتج


كل اقلامي من ايام الابتدائيه والاعدادية والثانويه في كشتي
لاني إذا ييت افكر احط القلم فوق اذني عقب ينشب فشعري



اذكر ايام العيد والمناسبات اعذب ماماتي
تدور كل محلات بو ريالين وتيمع كل الشباصات الي فالمحل


وتاخذ اسبوع كااامل وهي تصفها فشعري عشان استوي حلوه واعرس وتفتك مني




ضاقت علي الدنيا الواسعه


ورحت السطح علشان اصيح وافضي كل القهر والالم الي مكبوت فيني




اتصلو ييراننا قالو خلو بنتكم تنزل من فوق السطح


دشنا اخترب من كشتهااا


يااااااارببببيييييييه انا شو اسوي



اذبح عمري عشان يرتاااحون




في يوم ممطر قلت بروح اصلي وادعي الله يرزقني الزوج الصالح ـــ> ههههه عندها امل تعرس




سبحـــــان الله


ماراح تصدقون صدق هذي من عجائب الدنيا



حصلت معجزه




تخيلوو ثاني يوم مر في حارتنا همر


كشخه


عاد يهال الفريج ماقصرو قامو بالواجب واكثر فلعووووه بالحصى لين وقف عند باب بيتنا وكلهم شردوا



ماينلامون بيت ام كشه >> مرعبة الحاره << ـههههههههههـ


المووهم وينزل ذك الشاب الغرشوب المزيووووون


صاحب العضلات والصلعة اللماااااااعة السحريه


بتقولون شقايل شفتي صلعته


بقول لكم : لانه مسوي حركه يديده حااط الغترة والطاقيه لين نص الصلعه


عاااد لا تسألوني شقايل سوى الحركة الخطييييرة هاي


هو خقااااااق وولد نعمه ويقدر يسوي اللي يباه




انا اول ماشفته خقيت وياه وطحت صريعه في حبه بس الحمد لله وعوني اهليا


طبعاً الكلام هذا خلف الكواليس


يعني لين الحين ماتقابلنا ويه بويه


طول الوقت وانا اوايج من الباب واسترق السمع ..
ابووي استقبل الريال وضيفه فالميلس

ومد له فنياااان القهوه وقال له تفضل




الغرشوب يوّد الفنيان و جبه على ابوووي


انا بغيت ادخل و ادووووس في بطنه

قال ابويا افااااااا


تجب قهوتي علي


قال الريال ما بشربها إلا اذا قلت تم


قال ابوي تم بس اشرب قهوتك ويصير خير ــــــــ>> اشك ان ابوي حاط بالقهوه شي شحقااا مصمم ان الريال يشربهاا


ما علينا


قال الريال طلبتك بنتك مطفووقه <-- اسمي هذا


قال ابوي عطيتك


افاااا يبا الفكه مني


قال ابوي يالله هات المليج علشان نملج ونفتك.


قال الريال بلاااااك مستعيل .؟؟



ابوي : خير البر عاجله ــــ>> كنت حاسه ان الشيبة يبا الفكه مني


قال الريال لازم اشوف بنتك قبل ما آخذها


في هاي اللحظه غيم الحزن على ويه ابوي ونزل راسه وسكت ..


والتفت على امي وهي جنبي و دمعتهاا سالت على خدهااااا وتصييييييييح


قال ابوي يصير خير ...........




طلع ابوي ولقانا عند الباب وقال لي يا بنتي السالفة جيه و جيه قلت ادري بس شو المطلووب


قال مصمم يشوفج قلت لالالالالالالالالالالالالالالا لالا ـــــــــ>> توها تكتشتف ان الكيبورد فيه حرف لا


قلت ابويااا النتيجه معروفه لو طلعت له و شااافني


قال شو اسوي يا بنتي هذا شرطه الوحيد !!


واذا الله كاتب انه من نصيبج بتأخذينه ,


وبعدين يا بنيتي لو هو شاريج صدق بيأخذج لو فيج عيوب الدنيا كلهااا


وانتي الحمد لله مزيونه وخلوقه وكل شي زين فيج اللهم شي بسيط إلي هو كشتج

قلت هين بسيط


قالت امي ماتدرين يا بنيتي يمكن تكون الكشه هذي سبب سعادتج قمت اضحك انا


قلت اووكي شوركم وهداية الله ..


خلاص ابووويا قول له ايي عقب اسبووع لين ما اتزهب و اجهز عمري


في اليوم الثاني وصيت ابوي اييب لي درام مااااي علشان اتسبح واغسل كشتي الي لها سنين ما جاسها الماي هع هع


تسبحت وخلصت واستاجرت نص كوفيرات الدولة عشان يسشوروون كشتي و يرقدونها لي


عاد يا الموعد تكشخت وتزينت و تعدلت صرت قمر 14 بسم الله علي


دخنت الميلس وجهزت العصير عشان اقدمه ـــــ> ماقصرو الافلام المصريه علمونا كل شي ,


دق الجرس وفز قلبي معاه *******


دخل صاحب الصلعة البهية


استقبله ابوي بكل حفاااوه ـــ> مادري من وين يايبنهاا


ودخله بالميلس بعد خمس دقايق يدخل علي ابوي وانا الحيا يقطر مني


قال هاااا يا بنيتي خطيبج ينتظرتج قلت اوك ـــــ> ياشين الدلع عليج


دخلت على خطيبي


وماسكة الصينيه وفيها العصير كان عصير طماط


ـــــــ> هذي الرومنسيه شدراااكم انتو ـهههههههههــ


هو بهـــت اول ما شافني قال هاتي الصينيه عنج ..


انا يوم شفته ييت اسلهم برموشي بس ماقدرت .. عيزت



ابتسم هو وقال يا هلا والله بالزين كله هلا بالغرشوبة الرعبوبة الغرنووووقة


فتحت حلجي انا مب متعوده على كلام حلو قال هااااتي الصينيه عنج

إلا وانا انجلب و اصب العصير على ثياااابة و الكندووورة راحت



وانكمش داخل ثيااابي من القفطة



قال ابوي حصل خير كل واحد يصلح سيارته .. << هع هع



ضحك خطيبي وقال ما يخالف هذا الحيا ومايسوي



الغريب في الامر انه ماياب طاري عن كشتي ولا تكلم ....





ملج علي وقررنا العرس فالصييييييف



:تصدقون ما بقى من مهري إلا ربعه


كله راح عالطرحه مالت العرس


يالله يالله لقت الكوفيره طرحه كبر كشتي


راحت باريس خصيصاً عشان طرحتي





يت ليلة العمر


ليلة الدخله


وانا شحلاااااااتي اخبل ولابسة الفصطااان الابيض



وزفونا ويلسنا اروووحنا ـــــــ>> لا اهلج دخلو معاج بعد


تصدقون اعترف لي مطفووق <-- زووجي بأعتراف خطير


قال صدقيني يا مطفووقه من اول يوم شفتج فيه وانا طايح في حبج وكله من كشتج هذي


عيزت ارقد من كثر التفكير ..




ـــــ>> والخبله صدقت ههههههههههه


يقول كان حلمي اني اتزوج بنت لها كشه


والحمد لله ربي رزقني باحلى ام كشه بالعالم



ابتسمت انا وقلت بكل حيا الله يسلمك يابعد طوايف هلي



تصدق حتى انا كنت احلم بواحد مثلك دووووم اقوول يارب ياخذني واحد اصلع نظيف وسيم


وربي رزقني فيك ..


قال سبحان الله



شفتي يا حبي ربي يحبناا ...


تعالي قربي عندي يا قلبي .................. طوط طوط



تم تشفير هذه الفقره << هع هع هع هع هع



وصارت كشتي هي مصدر سعادتي مثل ماقالت امي



عشت حياتي في هنا وسعادة وخلفت صبيان وبنااات


ثلاث بنات لهم كشش وثلاث عيال قرعاااان ....
\
خويتـكم ..

AngelMayCry7..~
القصة منقولة


اش رايكم فيها تضحك ولا ماتضحك هههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

قصة تموت من الضحك (( وصارت كشتي مصدر سعادتي ))

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

mk4sd الكلمات الدلالية
mk4sdرابط الموضوع
mk4sd bbcode BBCode
mk4sd HTML HTML كود الموضوع
صلاحيات هذا المنتدى:لاتستطيع الرد على المواضيع في هذا المنتدى
منتديات ملك الغرام السودانيه :: منتديات الفكاهة والتسليه :: النكات والطرائف-
انتقل الى:  
© phpBB | منتدى مجاني | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونة