ماضلمت
اقول والشمس فى عز الامل
تهت ومشيت
اقول يانحن يا انتو وبكيت
..يامواعيد
ياصباح من غير وسم
تهت ومشيت
...ماضلمت
مابتعرف الزول البجيك
ولا البجيك بيعرفك
حتى الشبابيك
والزوايا الكان بتجمع
فى حناياها الشكوك
ضلمت
اغشاك يانفسى الغريبه
من همومى اطلعك
الفاك واقفه على الطريق
احزان بتفرح وتشتبك
افراح بتحزن وترتبك
لمن رحلت مع الغناء
عز الامانى
وضلمت
مديت على الامل القريب
اشواق كتيره وقصرت
فى زاويه من ضل الشجون
جابت ظنونا وقيلت
كلمت اشجارالخريف
عن شوق نما....
فى الوحشه والزمن الاسيف
دلتنى افتش فى المغارب
وف المشارق
عن علامات اورصيف...
ترقد الازهار عليهو
يابنفسج..
كحلى غالى ...
وبرتقالى ...
امشو انتو
انا البقيف ....
وماضلمت




من كلمات عمر الطيب الدوش

يسلموووووووووووووووووووووووو

روعه ايها الضؤ الشارد دائما ماتدهشنا بمشاركاتك المتميزه

دمت لنا لك منى اطيب التحايا